- الفيس برسلي بدو يشتري دربكة ويتعلم الدق، هي آخر الأخبار القادمة من جهتو، حيث أنّ ندرة الأخبار في العالم العربي تدفعك لتتبع أخبار الموتى من المشاهير. اذ أن الأحياء منهم مملين الى درجة الموت.
- لا يمكن الوقوف على الأطلال بالقرب من طلال لأنو الزلمة عاطفي كتير، وبتهرّ دموعو بسرعة كبيرة.
- الانسان أخ الانسان فيقتله ويقطّعه ويفجرّه مع أنو ما في لزوم، والله الانسان بهالايام عم يطق لحالو بس فيه مين بيستعجل عليك تطق، وبعدين فيه خلاف ع اسلوب الطق… بصراحة جهات ذقنية كثيفة تخشى من أنك تطق من الضحك.
- أنت مع أو ضد؟ خلينا نفجرك بعبوة ناسفة وبعدين نشوف لوين بدها تروح أشلاءك لأي جهة.
- قال كتر الموت متل قلّته يعني الناقص أخو الزائد والاتنين ماتوا بعبوة ناسفة.
- شو عم يصير عندكم؟ سؤال عم يسمعه كل سوري من رفاقو والجواب: الله ما بيعرف! سوري منك بس الله بيعرف.
- ما حدا أهدى حبيبته ورده ولا حبيبة أهدت حبيبها دبدوب لأنو فيه تخوف كبير أنو الدببة بهالأيام تاكل ورد وحشيش من غلا الأسعار.
- ما في مازوت؟ طيب عندك أخبار ساخنة وأحداث لاهبة.. صح؟
- لا تتذمر أنو ما في كهربا. عندك أحسن من هيك بكتير… عندك مثلا مولدة؟ اذا ما عندك حل عن طيزي وعيش متلي ع الغريزة.
وضيف عليا ما حدا بهالايام عم يوقف معو